My Telugu Blog

It becomes my favorite Song

2010-10-17T19:58:00.000-07:00

ఓం నమో శివ రుద్రాయ - ఓం నమో శితి కంఠాయ

ఓం నమో హర నాగా భరణాయ - ప్రణవాయ డమ డమ డమరుఖ నాధా నందాయ

ఓం నమో విటలాక్షాయ - ఓం నమో భష్మాంగాయ

ఓం నమో హిమశైలావరణాయ - ప్రమధాయ ధిమి ధిమి తాండవ ఖేళీ లోలాయా

సదా శివా సన్యాసి తాపసి కైలాసవాసీ - నీ పాదముధ్రలు మోసి పొంగిపోయినాది పల్లె కాశి

యె చూపుల చుక్కాని దారిగా - చుక్కల తివాచి మీదిగా

చూడ చక్కని సామి దిగినాడు రా - యేసెయిరా వూరూ వాడా దండోరా

యే రంగుల హంగుల పొడ లేదు రా - ఈడు జంగమ శంకర శివుడేను రా

నిప్పు గొంతున నీలపు మచ్చ సాచ్చిగా - నీ తాపం శాపం తీర్చెవాడేరా

పైపైకలా భైరాగిల వుంటాది రా ఆ లీల

లోకాలనేలే తోడూ నీకు సాయం కాకపోడూ

యె నీలోనె కొలువున్నోడు నిన్ను దాటి పోనెపోడూ

ఓం నమ:శివ జై జై జై - ఓం నమ:శివ జై జై జై

ఓం నమ:శివ go to the trans and say జై జై జై

sing along sing shiva shambo all the way ఓం నమ:శివ జై జై జై

heal the world as long we pray

save our lives and take our pain away జై జై జై

sing along sing shiva shambo all the way

సదా శివ సన్యాసి తాపసీ కైలాసవాసి

నీ పాదముద్రలు మోసి పొంగిపొయినాది పల్లె కాసి

యె ఎక్కడ వీడుంటే నిండుగా - అక్కడ నేలంతా పండుగా

చుట్టు పక్కల చీకటి పెల్లగించగా - అడుగేశాడంటా కాచే దొరలాగా

మంచును మంటను ఒక తీరుగా - లెక్క సెయనె సెయ్యనీ శంకరయ్యగా

ఉక్కు కంచెగా వూపిరి నిలిపాడురా - మనకండా దండా వీడె నికరంగా

సామీ అంటె హామి తానై వుంటాడురా చివరంటా

లొకాలనేలే తోడు నీకు సాయం కాకపోడూ

యె నీలోనె కొలువున్నోడు నిన్ను దాటి పోనెపోడు

ఓం నమ:శివ జై జై జై - ఓం నమ:శివ జై జై జై

ఓం నమ:శివ go to the trans and say జై జై జై

sing along sing shiva shambo all the way ఓం నమ:శివ జై జై జై

heal the world as long we pray

save our lives and take our pain away జై జై జై

sing along sing shiva shambo all the way

మామంచి మాస్టారు

2010-06-22T08:58:00.000-07:00

ఈ నెల 30 వ తేది మా హెడ్ మాష్టర్ గారు రిటైర్ అవుతున్నారు ఆ సందర్భం కొరకు నేను ఒక పాట రాశాను. మా హెడ్ మష్టారు గారు ఒక గొప్పవ్యక్తి. నాకు తెలిసినంతవరకు ఆయన 100 శాతం నిజాయితీని కలిగిఉన్నాడని చెప్పగలను. ఆయనతో నా సాహచర్యం కొద్దిరోజులే అయినా ఎంతో వ్యక్తిత్వ వికాసమునకు అది దారితీసినందుకు నాకు చాలా సంతోషంగా ఉంది. ఆయనతో వృత్తిపరమైన బంధం ఇకపై లేకపోయినా వ్యక్తిగతంగా ఆయనతో స్నేహం కొనసాగాలని ఆశిస్తున్నాను. వారి పదవీ విరమణ అనంతర జీవితం ప్రశాంతముగా సంతృప్తి కరంగా సాగాలని మనస్పూర్తిగా కోరుకుంటున్నాను.
నేను రాసిన ఈపాట లో కొంత airtel వారి "ఒకకోటి హృదయాల్ని తాకినందుకు" పాట నుండి గ్రహించాను, అందుకు వారికి కృతజ్ఞతలు.

********

విద్యార్థి హృదయాల్ని తాకినందుకు స్టాఫ్
మదిలోని భావాల్ని గమనించి నందుకు
ధన్యవాదాలు మీకు
స్కూలు నుండి ఊరి వరకు
నాటి నుండి నేటి వరకు
మేటిగా నిలిచి సాటి లేదని తెలిపి తోడైన మీకు మా ధన్యవాదములు
ధన్య వాదాలు మీకు
ధన్య వాదాలు మీకు

విద్యార్థి భవితను తీర్చినందుకు మాకు
మమతాను రాగాల్ని అందించినందుకు
ధన్య వాదాలు మీకు
మార్కుల వేటలో, శిక్షణ స్పూర్తిలో,
ఘనతలో, సమతలో, మామంచి నడతలో
కొత్త దారులు చూపి, కోటి ఆశలు రేపి
ముందు నడిచిన మీకు ధన్యవాదములు
ధన్య వాదాలు మీకు
ధన్య వాదాలు మీకు
మల్లికార్జున సారు ధన్యవాదములు
మామంచి మాస్టారు ధన్యవాదములు.
మామంచి మా 'స్టారు ' ధన్యవాదములు.

పర్యావరణ పరిరక్షణ

2009-05-30T07:35:00.000-07:00

ఈ మధ్య మా స్కూల్లో పర్యావరణం పై ఓ కార్యక్రమాన్ని ఏర్పాటు చేశారు. ఆ కార్యక్రమానికి ఒక పాట వ్రాయమని మా బయాలజీ టీచర్ నన్ను అభ్యర్థించగా ఆ సందర్భంలో ఈ పాట రాశాను.

రండి! రండి! రండి!
కదలిరండి బాలలార కాపాడగ ఈ ధరణి.
నిండిపోయె ఈ జగతి కలుషిత వాయువుల,
నిదురపోక మేలుకొలుపు కాపాడగ మానవుల.

వలదు వలదు మనకింక ప్లాస్టిక్ బాటిల్లూ,
అసలె వద్దు మనయింట క్యారీయింగ్ కవర్లు.
ప్లాస్టిక్ గ్లాసులు, పాలిథీన్ పేపర్లు,
వద్దు వద్దు వాడవద్దు.

మరింకేం వాడాలి?
పేపరు బ్యాగులు;
రీసైక్లింగ్ బాటిల్లు;
సహజమైన మట్టి పాత్రలు,
తలచు కుంటే ఎన్ని లేవు
తప్పింపగా ఈ ముప్పు.

మేలు కొనుడు పెద్దలార ఇకనైనా నిదుర నుండి
భావితరపు ఆశలకు కొట్టకండి మీరు గండి.

కన్నుల్లో నీ ఊహలే

2009-03-27T09:59:00.000-07:00

కన్నుల్లో నీ ఊహలే
నా మది నిండ నీ ధ్యాసలే "కన్నుల్లో"
నా మది నిండుగా నీవు కొలువుండగా
ఆనందాల సంగీతమే
కవితానంద సందోహమే "కన్నుల్లో"
నా మదిలో మెదిలే ప్రతి భావన లోన
కవితా సంద్రమై పొంగేవులే
తలపుల తరగలలో తడిసిన వెన్నెలవై
వలపుల ఈ జడిలో మెరిసేవులే
కనులకు నీ రూపే ఓ కాంతిలా
జీవన కుసుమాన్ని పూయించెనా "నా హృది" "కన్నుల్లో"
మనసే పరవశమై మదిపాడేవేళ
ఆమౌన రాగాన దాగేవులే
మబ్బులమాటున జాబిలివై నీవె
వెన్నెల వానలా కురిసేవులే
మనసుకు నీధ్యాసే ఓ శ్వాసగా
సుమధుర గానాలె వినిపించెనా "నా హృది" "కన్నుల్లో"

ఓ ప్రియతమా

2009-03-10T03:52:00.000-07:00

ఓ ప్రియతమా...... ఇది నీ పంతమా
పలుకబోవూ...... దరికి రావూ
ఏమి కానూ..... తెలుపుమా?

ఎదల మాటున దాగిన నీవె - నా కనులముందుకు రానేరావే!
కదిలిన ప్రతి తీవె, అది నీవేననుకొంటినే. "ఓ ప్రియతమా!"

మరులు గొలిపే వెన్నెల వోలె
పరచినావు పానుపు నీవె
ఆ చల్లని వెన్నెల ఒడిలో
విరబూసిన కలువను నేనై - నీ దరికి చేరాలనీ
బహుకాలం వేచితినే. "ఓ ప్రియతమా!"

మచ్చ లేని నీ సుందర రూపము
మనసు నిండా నిండెను చూడుము
మరపు రాదు నీ అరవిందము
ఇది ముమ్మాటికి నిజము నిజము. "ఓ ప్రియతమా!"

నిదురరాదు

2009-03-10T03:51:00.000-07:00

నిదురరాదు నీవు లేక - కలలు రావు నిదుర రాక
విరహ వేదనోర్వ లేక - రాస్తున్నా నీ లేఖ "నిదుర"

మదిని రేగె మథన తాపం - నా కనుల మెదిలె నీదు రూపం
నీ అరవిందమె అపురూపం - అది నిత్యమైన అమర దీపం "నిదుర"

రాతిరంత నీకోసం - ఎదురు చూసె నా హృదయం
వేచి వేచి నా నయనం - సొమ్మసిల్లె ఈ నిమిషం "రాతిరంత"
కరుణ జూపి ఒక్క క్షణం - కదలి రావ నా కోసం
పలుకరించి పరవసింప - సమయమిదే సాహసింప "నిదుర"

ఎదురు చూచు మధుర క్షణం - ఏ నాటికి రానున్నదొ
మురిపించే ఆ పెదవుల - ఏ అమృత మెంతున్నదొ "ఎదుర"
కనిపించని నడుమొంపున - ఏ అందం దాగున్నదొ
తెలియ లేని రవిని కాను - నీ మనసునేలు రాజు నేను
కవి రాజును నేను "నిదుర"

రవి వర్మ కుంచె నుండి - జాలువారిన చిత్రానివొ
బాపు చేతి కలము చేత - గీయ బడిన ఓ బొమ్మవొ
శ్రీనాథుడు సృష్టించిన - రమ్యమైన సుందరివొ
తెలుసు నాకు నీవెవరొ - నా మది గెలిచిన రాణివిలే
మహరాణివి నీవెలే "నిదుర"

మథుర రూపం

2009-03-10T03:50:00.000-07:00

మథుర మథుర రూపం మరులుగొలుపు రూపం
మరుపు రాని రూపం నా మనసు దోచు రూపం
కనుల పొంగు కవనం - ఏ కవికి గాని కథనం
కాముకైన కళ్ళెం ఇది కాళిదాసు కల్పం "మథుర"

అలనాటి అన్నమయ్య శౄంగార గీతాల రసమయ సారం
అల్లసాని అందించిన వరూధిని లాస్యం
కందుకూరి సృష్టించిన పుత్తడి బొమ్మ అందం
నండూరి ఎంకి లోని సోయగాల చందం "మథుర"

సన్నని ఆ నడుము భళా నవ రసాల భరితం
నడక చూస్తె హంసలకే నేర్పునులే పాఠం
కులుకుల లో కనిపించే నెమలి హొయల చందం
రేపెను లే నాలో ఓ తీయని అనుబంధం "మథుర"

చిరుగాలుల సవ్వడి

2009-03-10T03:48:00.000-07:00

చిరుగాలుల సవ్వడి విన్నా - సెలయేటి గలగల విన్నా
నీ అందెల సడి అనుకున్నా, ప్రియతమా.....
సందెవెలుగు కనిపిస్తున్నా - చందమామ చూస్తూ ఉన్నా
నీ కలువల కనులనుకున్నా, ప్రియతమా.......

నడి రేతిరి నను పిలిచావని కను చెదిరి చూస్తున్నా
వినబడు ప్రతి అలికిడి లోనూ నీ గాజుల సడినే విన్నా
ఎన్ని కలలు కంటూ ఉన్నా తనివి తీర లేదెపుడూ
నా ఎదురుగ నిజముగ నీవు నిలిచి నన్ను పిలిచేదెపుడు, ప్రియతమా.....

ముద్దు లొలుకు మరదలు నీవని మురిపెముతో చెబుతున్న
నీవు లేక ఈ భువిపైన నిలువలేను ఓ క్షణమైనా
నిన్ను చూస్తు ఓ యుగమైనా గడచిపోవు క్షణముగ ఔనా! ప్రియతమా...
మథురమైన భావనలన్నీ శాశ్వతమనుకుంటున్నా
నాకు తోడు నీవై ఉంటే ఎదురు లేదు ఏదేమైనా, ప్రియతమా....

సన్న జాజి పరిమళములలో - నీ రాకను గమనిస్తున్నా
ఎల కోయిల పాటలలోన నీ స్వరమునె వింటున్నా
నన్ను నేను చూసుకున్నా - నేను కాదు నీవనుకున్నా
నన్ను నేను మరచి ఎపుడూ - నీ తలపున జీవిస్తున్నా, ప్రియతమా.......

నీ శ్వాసలే

2009-03-10T03:47:00.000-07:00

నీ శ్వాసలే మది వేణుగానమై
నీ ధ్యాసలే నాలోని ప్రాణమై
కనుల పొంగి పోనీ మథుర కావ్యమై
నా మనసు నిండి పోనీ ఓ అమరగీతమై
రావే చెలియా.... రావే సఖియా.... "నీ శ్వాసలే"

నీ నవ్వులు పూసే రాగవసంతం ఓ.... ఓ.....
నీ వలపున విరిసే మథురానందం ఓ.... ఓ.....

కోటి వీణలు పలికిన గీతాంజలి
నా బ్రతుకున వెలిగిన దీపావళి
అనురగాలెన్నో విందై - మందహాసాలెన్నో చిందే
రావే రావే సఖియా రావే "నీ శ్వాసలే"

నీ పెదవులు పలికే సుమధుర గీతం ఓ.... ఓ....
నా మనసున పొంగే అమితానందం ఓ..... ఓ.....

నీవు చేరాలి నేడే నా లోగిలి
నాకు ఇవ్వాలి ఇపుడే బిగి కౌగిలి
అందచందాలెన్నో విందై - పొందుకోరే నాకే చెందే
రావే రావే చెలియా రావే "నీ శ్వాసలే"

మది వీణ

2009-03-10T03:45:00.000-07:00

మది వీణ మీటే - నీ ప్రేమ పాటే
విరహాల గీతై - నా గొంతు దాటే
శృతి చేయు రాగం నీవెలే "మది వీణ"

నీకై వేచున్న క్షణమే - ఎన్నో భావాల మయమై "2"
నిను చేరు వేళ మది లోని ఆశ పులకింత రేపె నాలో

అలలా కదిలేటి కలలే - మదిలో రేగేటి సెగలై "2"
చిరుగాలి లాగ నువుతాకు హాయి గిలిగింత రేపె నాలో...
ఏమిటో ఇంత కవ్వింత నీలో "మది వీణ"

నడిచే నవనీత శిల్పం - కదిలే కార్తీక దీపం "2"
నీ ప్రేమకాంతి మది అవని పైన వెన్నెలలలైన వేళ

నవ్వే వికసించు పుష్పం - చూపే ఓ కాంతి పుంజం "2"
నీ ఊహలోన విహరించు వేళ తుమ్మెదల పాట రాదా..
ఎన్ననీ అందగంధాలు నీలో "మది వీణ"

చందనాల గంధాలు

2009-03-10T03:42:00.000-07:00

చందనాల గంధాలు దాగిన బొమ్మనీవె
కుందనాల అందాలు నిండిన గుమ్మ నీవె

నీసాటి అందము - ఈభువిని ఉండదు

నిన్ను ఓసారి చూశాక నకళ్ళకు ఇంక ఏరూపమగుపడదే
నువ్వు మనసార నవ్వాక నామనసులో ఇంక ఏధ్యాస నిలబడదే
"చందనాల"

ఒంపుసొంపుల్లోన హంపి శిల్పాలెన్నొ దాచిన నీ అందమే
తాకితే... స-రి-గ-మ పల్కదే - తకధిమి ఆడదే

పంచదార వంటి పలుకులెన్నొ నింపి పాడిన నీపా..టలే
తీయనీ మధువులు చిందవే - సుధలను పంచవే

నింగిలొ చుక్కల రాణినీవె - నిండు పిండార బోసిన వెన్నెలవె
ఎలమావి చిగురుల సొగసునీవె - ఎల కోయిల గొంతులొ పాట నీవె

పొంగే గోదారి పాటల పల్లవి నీవేనా....
ఎన్నడూ... చూడనీ వింత అందాలె కనువిందు చేసేటి సంభ్రమమే
"చందనాల"

నీలి నింగిలో

2009-03-10T03:39:00.000-07:00

నీలి నింగిలో జాబిలి పువ్వు నీవమ్మా
చూడచక్కని నీ చిరునవ్వు చాలమ్మా
వన్నెల రోజా నువ్వే, నన్నలరించే నవ్వే
నిన్ను చూసి తమ తలలు వంచే
ప్రకృతి చిత్రాలెన్నో కాస్త చూడమ్మా! "నీలి నింగిలో"

రంగురంగుల పువ్వులవనం
కమ్మని పాటల కోయిల గానం
సన్నని తీగెల లావణ్యం
తళుకులీనే తారలగణం
తమలో లేని అందాలేవో నీలో చూసి చిన్నబుచ్చుకొనె చూడమ్మా! "నీలినింగిలో"

రవివర్మకు ప్రేరణ నిచ్చిన అందానివి నీవేనని
ఆ బాపూ బొమ్మకు కూడా జడకుచ్చులు నీవేనని "రవి"
కలహన్సల పాదాలకు నడకలను నేర్పింది
ఆ నెమలి హొయలకు రంగుల కళనిచ్చింది
నీవే నీవే నీవేనని కోయిల గానం చేసింది
వాడిన ఆ తీగెలకే చైతన్యం వచ్చింది
నీనవ్వుల వానకై పువ్వులవనం వేచుంది
ఒకసారి తలుకుమని కనిపించి వెళ్ళమని
ఆ తారలగణం నిన్ను పదే పదే పదే పదే పిలిచింది "నీలినింగిలో"

ఓం నారాయణ

2009-03-10T03:37:00.000-07:00

ఓం నారాయణ ఆది నారాయణ
శరణన్న కరుణించె నిజభక్త పొషణ!
ఓం నమో వెంకయ్య స్వామీ నీకరుణ
కురిపించు మాపైన భవతాపహరణా!!

గొలగమూడి లోన నీవు ఉదయింప
నీ పాద స్పర్శతో నేల పులకింప!
నిఖిల జగములనెల్ల నీవు రక్షింప
నీదు పుత్రులమై మేము తరియింప!!

అజ్ణాన తిమిరమును అంతమొందిచి
అవని జనులకు నెల్ల వెలుగు జూపించి!
భవ సాగరమునీదు విధము వివరించి
భవ బంధముల నుండి మమ్ము రక్షించి!!

రాగమును ద్వేషమును నశియింప జేసి
రవి కాంతునికి సాటి జ్యోతి వెలిగించి!
రాతి గుండెలనైన కరగింప జేయు
రాలుగాయిని కూడ రాజుగా జేయు!!

నీదు మహిమలు తెలియ మాకు తరమౌనె
నీదు యశమును పొగడ మాకు వశమౌనె!
నీదు సన్నిధియే పరమ పెన్నిధిరా
నీకన్న మాకేది వేరు దైవమురా!!

అఖిలమును ఏలేటి అవధూత రూపా
ఆద్యంతములు లేని నిర్గుణ స్వరూపా!
నిరతమూ నీకు మా నీరాజనాలు
నీ కృపా వీక్షణమె మాకు పదివేలు!!

పక్కింటి పావురాయి

2009-03-10T03:35:00.000-07:00

పక్కింటి పావురాయి పరుగెత్తుకొచ్చింది
పందిట్లొ మంచమేసి సరసమాడ రమ్మంది
పరువాల పాలపిట్టరో సామిరంగ
పట్టబోతె చిక్కదాయరో "పరువాల" "పక్కింటి"

వాకిట్లో ముగ్గు వేస్తు వంగి వంగి చూస్తుంది
తొంగి నేను చూడబోతె పైట పైకి లాక్కుంది
వయ్యారి నడుము చూడరో సామిరంగ
వాటమైన సుందరాంగిరో "వయ్యారి" "పక్కింటి"

పొద్దున్నె నీళ్ళ కడవ సంకనెత్తుకొచ్చింది
సందేళ చెంగావి చీర చుట్టుకొచ్చింది
నాగుబాము జడను చూడరో సామిరంగ
నాజూకు నడక జూడరో "నాగుబాము" "పక్కింటి"

చాటు నుండి మళ్ళి మళ్ళీ సైగలెన్నొ జేస్తుంది
సన్నజాజి చెట్టు దాటి ఎంతకీ రానంది
వగలమారి మాయలేడిరో - దీని తస్సదీయ
నా బుర్రంత పాడుజేసెరో "వగలమారి" "పక్కింటి"

కాంచనమాల

2009-03-10T03:30:00.000-07:00

కాంచనమాలకు కన్నబిడ్డవా!
అంజలిదేవికి ఆడపడుచువా!
రేణుక నీకు తోబుట్టువా!
రంభా ఊర్వశి సహచరివా!
మన్మథునికే సహధర్మ చారిణివా!

వెలుగుల జిలుగులు నీ నయనం
వెన్నెల వెలుగులు నీ వదనం
మధురం మధురం నీ అధరం
మరులే గొలిపెను నీ అందం
భువికే వచ్చిన ఆ స్వర్గం
సృష్టికి నీవొక అబ్బురం.

నువు చూశావంటే నా వైపు - నామనసున రేగును ఓ కైపు
మరి నవ్వావంటే కాసేపు - నాకే కలుగును మైమరపు
నిను మీటిన పలుకును సంగీతం - నిను తాకిన కలుగును బహుతాపం
నీ తలపే నాకు మధుపానం - మరి ఎందుకు వేరే ఆ స్వర్గం
మెరుపు తీగెలే నీ డెందం - మత్తెక్కించే నీ ఝఘనం
రతినే మించిన లావణ్యం - నీసరసన కలుగును కడు సౌఖ్యం
అన్నీ ఇచ్చిన ఆ బ్రహ్మ - ప్రాణం పోసిన మీ అమ్మ
నీ హృదయం చేసిరి పాషాణం - అది యువకుల పాలిట విషభాణం.

మన కడప

2009-03-10T03:26:00.000-07:00

చిరునవ్వుల సిరి తోట మన కడప
తిరుమల శ్రీవేంకటేశు స్వాగతాల గడప "చిరు"

అన్నమయ్య పదకవితల దివ్యగాన చరిత
కళలనైన, కలిమికైన సాటిలేని ఘనత "చిరు"

పోతన్న కలమై రామన్న శరమూ
వెలసినదీ చూడరా ఒంటిమిట్టనందు
రామన్నకు మారుగా నెందలూరు నందు
వెలసినాడు చూడరా సౌమ్యనాధుడిందు "చిరు"

మట్టిరాజు కట్టెరా సిద్దవటము కోట
అలనాటి తెలుగువాడి వన్నెల పూదోట
టంగుటూరు, పొత్తపి, తాళ్ళపాక చూడంగ
దేనికదే సాటిరా రాజసముప్పొంగ "చిరు"

నాటినుండి నేటి దాక అదే స్పూర్తి నిండుగ
నిలిచినది మన కడప కలకాలము ధీటుగా

ప్రతి ముంగిట రంగవళ్ళి మంగంపేట రాయిరా
పడుచుపిల్ల చిరుమోమున సిగ్గులు పండించురా
రాయలసీమ రాళ్ళలోన రత్నములే పండురా "2"
కడప నందు బాంబులన్న రాలుగాయి ఎవరురా? "చిరు"

వందనమమ్మా భారతి

2009-03-10T03:24:00.000-07:00

వందనమమ్మా భారతి - అందుకో మా హారతి
తరతరాలుగా ఉన్నతి - భావితరాలకు సద్గతి "వందనమమ్మా"

యుగయుగాల నీ ఘన చరిత్రలో - మహా పురుషులను కన్నావు
ఎందు వెతికినా ఈ జగములో - సాటిలేని ఆ వీరమాతలను కన్నావు
రత్నగర్భవు నీవు - నిత్య స్పూర్తివీ నీవు "వందనమమ్మా"

పాడి పంటలకు పసిడి రాశులకు - తరగని పెన్నిధి నీవంట
హిమాలయములు హిందు సంద్రముల మధ్య వెలసిన సిరివంట "పాడి"
సర్వ మతముల కొలువంట - సకల కళలకు నెలవంట "వందనమమ్మా"

సమరరంగమున వెన్ను జూపని వీరుల గన్నది నీవంట
సహనశీలురకు త్యాగధనులకు చక్కని నెలవు నీదంట

నీ గర్భమున జనియించుటయే మేము చేసిన పుణ్యం
భారతావని కీర్తి భావుటా ఎగురవేయుటే మ లక్ష్యం "వందనమమ్మా"

పసిపిల్లలం

2009-03-10T03:14:00.000-07:00

పిల్లలం - మేం, పసిపిల్లలం
అమ్మ ఒడిని వికసించిన లేత పూలరేకులం
మువ్వలం - ఎగిరే చిరు గువ్వలం
భరతమాత కనిపెంచిన భావి దేశ పౌరులం "పిల్లలం"

స్వార్థానికి మేం దూరం - సాహసమే మాకు ధనం
అవినీతి అక్రమాలనడ్డుకొనుటె మాగమ్యం
సాధనతోనే మేమనుకున్నది సాధిస్తాం
అందరితో కలసి మనం ప్రగతి వైపు పయనిద్దాం "పిల్లలం"

వీరులం - అలుపెరుగని ధీరులం
అవిశ్రాంత శ్రామికులకు అసలైన సహోదరులం
పువ్వులం - పసిడి కాంతి దివ్వెలం
అంతులేని విజ్ణానపు అనునిత్య సుశోధకులం "పిల్లలం"

సభ్యతకు, సంస్కృతికి సిసలైన వారధులం
భరతజాతి కీర్తి దీప్తి దిగంతాల నినదిస్తాం
సహనానికి, సమర్థతకు సాటిలేని వారసులం
సమరానికి సిద్ధమైతె సరిలేని సైనికులం "పిల్లలం"

భారతావని

2009-03-10T03:08:00.000-07:00

భారతావని - మా భాగ్యదాయిని
ఆ సేతు హిమాచలం - అమృతవర్షిణి
కీర్తికామిని - నిత్య స్పూర్తిదాయిని
ఉర్విజనుల కెల్ల నీవె చూపుదారిని "భారతావని"

ఇతిహాస వేదాలకు పుట్టినిల్లని
వివిధ దేశాల రాజులకు (నీవె) మెట్టినిల్లని "ఇతి"
ఇదే నిజమనీ - నన్ను పాడనీ
భువన బోంతరాలకైన చాటి చెప్పనీ "భారతావని"

పాడి పంటలకు నీవె కల్పతరువనీ
శ్రామిక లోకానికంత వెలుగు బాటనీ "పాడి"
మానవ వనరుల కైనా - మేథో సంతతికైనా
సాటి లేదనీ... ఏదేశం నీకు ధీటు రాదనీ... "ఇదే"
"భారతావని"

ప్రజాస్వామ్య విలువలకే పెద్దపీటనీ
వివిధ సంస్కృతులకు నీవే ఒక ఆటపట్టనీ... "ప్రజా"
సాహస వీరులకైనా - సాధ్వీ మాతలకైనా
లోటు లేదనీ... మనదేశం వారికొక నిండు కొలువనీ... "ఇదే"
"భారతావని"